Gjatë periudhës së mbylljes së kufirit shqiptaro-grek për shkak të pandemisë, emigrantët shqiptar tentuan që të ktheheshin në Shqipëri.
Mirëpo, shumë prej tyre u gjobitën në doganë pasi kishin kaluar afatin e qëndrimit 90 ditor në shtetin grek, në një kohë kur kryeministri Rama doli në një komunikim live dhe u shpreh se të gjitha gjobat e vendosura do të paguheshin nga qeveria shqiptare.
Sot, Rama u ka kërkuar qytetarëve të gjobitur në doganën greke për kalimin e afatit të qëndrimit në Greqi që të plotësojnë një formular në faqen e tatimeve.
Me anë të një statusi në Facebook, Rama ka mbajtur premtimin e tij se të gjithë ata që ishin gjobitur para marrëveshjes me homologun grek, Kyriakos Mitsotakis, do të rimbursoheshin nga qeveria shqiptare.
POSTIMI I RAMËS
🟢 TË GJITHË QYTETARËT QË DISPONOJNË DOKUMENTIN E PAGESËS SË GJOBËS SË AUTORITETEVE GREKE PËR SHKAK TË KALIMIT TË AFATIT TË QËNDRIMIT NË GREQI, JANË TË LUTUR TË APLIKOJNË PËR RIMBURSIMIN: https://www.tatime.gov.al/…/njoftim-per-rimbursimin-e-gjoba…
*Si rezultat i mirëkuptimit të qeverisë greke dhe angazhimit personal të kryeministrit Mitzotakis, shqiptarët me leje të përkohshme qëndrimi nuk u penalizuan masivisht për shkeljen e pavullnetshme të afateve🇦🇱🤝🇬🇷 Por sidoqoftë është verifikuar një numër i kufizuar rastesh kur janë vendosur gjoba dhe SIÇ JAM ZOTUAR ATO DO TË RIMBURSOHEN NGA SHTETI SHQIPTAR👐🏿❤️ NE THEMI ATË QË BËJMË DHE BËJMË ATË QË THEMI😊Njoftim për rimbursimin e gjobave të vendosura shtetasve shqiptarë, jashtë Republikës së Shqipërisë:
Informojmë publikun e gjerë dhe individët e interesuar, se është miratuar rimbursimi i gjobave të vendosura për shtetasit shqiptarë, të cilët për shkak të mbylljes së kufijve, si pasojë e gjendjes së shkaktuar nga COVID-19, kanë tejkaluar afatin e qëndrimit jashtë Republikës së Shqipërisë, gjatë periudhës 10 Mars – 1 Qershor 2020.
Çdo individ, shtetas shqiptar, që është gjobitur nga autoritet ndërkombëtare, për arsyen e mësipërme, duhet të disponojë:
dokumentin që vërteton marrjen e gjobës,
çdo dokument që vërteton kryerjen e pagesës së saj, si edhe
të dhënat individuale të llogarisë bankare (të tilla si: emër banke dhe IBAN).
individët duhet të dorëzojnë dhe një numër kontakti personal. Dokumentet e mësipërme, të përkthyera dhe noterizuara, duhet të dorëzohen pranë Drejtorisë së Përgjithshme të Tatimeve, nëpëmjet shërbimit postar (apo në kutinë postare pranë Drejtorisë së Përgjithshme të Tatimeve). Për çdo pyetje apo paqartësi ju lutem kontaktoni në numrin 0800 0002 (nga e Hëna në të Premte, orari: 08.30-17.00). Drejtoria e Përgjithshme e Tatimeve fton të gjithë individët e interesuar që, për të siguruar një rimbursim të shpejtë dhe për të evituar vonesat në këtë proces, të dorëzojnë sa më parë dokumentat e sakta, sipas kërkesave si më sipër cituar.
