Përfaqësuesi i Partisë Socialiste në Reformën Zgjedhore, Damian Gjiknuri ka folur pas mbylljes së mbledhjes së Këshillit për Reformën Zgjedhore.
Ai tha se nesër shpreson që do të mbyllet përfundimisht ligji zgjedhor.
Gjiknuri u shpreh se draftet janë gati, ndërkohë që Partia Demokratike ka kërkuar më shumë kohë për diskutimin e tyre me ekspertët.
“U dakordësuam për dispozitat që na kanë sjellë ekspertët. Ramë dakord për pranimin e raportit 1 me 3 të partneritetit publik dhe atij privat. Ka akoma çështje si KQZ dhe fushata zgjedhore. Nuk kemi pasur diskutime. Shpresoj që nesër ta mbyllim. Ka ende disa pika për t’u diskutuar. Ata kërkojnë më shumë kohë për t’u konsultuar me ekspertët e tyre,”– tha Gjiknuri.
