Një ngjarje e rëndë ka ndodhur në qytetin e Korçës.
Policia ka njoftuar se një fëmijë 9 vjeç është lënduar ditën e sotme me një bombul gazi me të cilën po luante.
Fëmija është dërguar menjëherë në urgjencë, por lëndimet që ka marrë në trup janë të konsiderueshme.
Grupi hetimor dhe policia kanë shkuar në vendin e ngjarjes dhe po punojnë për zbulimin e mëtejshëm të ngjarjes.
Njoftimi i policisë:
Maliq/Informacion paraprak
Më datë 15.06.2020, në fshatin Moçan, shtetasi M. A., rreth 9 vjeç, duke luajtur në banesë dyshohet se aksidentalisht i ka shpërthyer një bombul gazi, për pasojë ka marrë dëmtime trupore dhe ndodhet në Spitalin e Korçës nën kujdesin e mjekëve.
Grupi hetimor po punon për zbardhjen e rrethanave të ngjarjes.
