Prokuroria e Krujës ka reaguar pas akuzave për lirimin e Hekuran Billës që u ekzekutua mbrëmjen e djeshme te Komuna e Parisit.
Në një reagim zyrtar organi i akuzës shkruan se burgu ka qenë dakord me lirimin e Hekuran Billës, duke shtuar se burgu në Gjykatën e Krujës dhe në Prokurori ka paraqitur raporte pozitive të sjelljes së të dënuarit dhe se ka qenë dakord në lidhje me kërkesën e të dënuarit Hekuran Billa.
Akuza e Krujës në reagim shprehet se është fakt që Billa në 1 vit e 3 muaj në shërbim prove nuk ka kryer ndonjë vepër penale tregon se ai është përpjekur për risocilaizimin e tij.
“Arsyetimi se po u lirua mund te vritet nuk eshte arsyetim ligjor pasi ai nje dite do te lirohej dhe vrasja do te ndodhte ashtu dhe si ka ndodhur“, shtohet më tej.
REAGIMI I PLOTË
Ankim nuk kam bere sepse vendimi ishte ne perputhje me ligjin edhe raportet e institucioneve pjes ne proces ishin pozitive. Po keshtu edhe institucioni tjetër qe ka thitrur gjykata qe eshte Institucioni i sherbimit te proves ka paraqitur raportin pozitiv duke cmuar se nga teresia e provave i denuari eshte i mundshem risocializimi i tij. Qendrimi im ka qene cmim te gjykates pasi institucionet tjera ishin pro. Edhe nga provate e tjera sgkresore sipas vendimit unifikues te gjykates se larte plotesonte kriteret per risocializimin e tij. Institucioni i ekzekutimit te vendimeve penale ka paraqitur raporte pozitive te sjellies se te denuarit ne burg dhe se ka qene dakort ne lidhje me kerkesen e te denuarit Hekuran Billa per lirimin para kohe me kusht. Per sa i perket nese mund te jene hakmarre per vperen penale te vrasjes qe ka kryer ne Angli dhe se nuk ka pasur nje normalizim te marredhenieve kjo nuk eshte nje kusht ligjor per mos aplikimin e lirimit para kohe me kusht. Pra ligjvenesi nuk ka parashikuar kriter ndalues per mos lejimin e lirimit para kohe me kusht kur nuk jane normalizuar marredheniet. Duke qene se ligji nuk ka parashikuar si kriter ndalues organi i prokurorise nuk ka ushtruar ankim pasi ankimet duhet te mbeshteten ne kushtet dhe kriteret e ligjit. Fakti qe ne 1 vit e 3 muaj ne sherbim prove nuk ka kryer ndonje veper penale tregon se ai eshte perpjekur per risocilaizimin e tij. Arsyetimi se po u lirua mund te vritet nuk eshte arsyetim ligjor pasi ai nje dite do te lirohej dhe vrasja do te ndodhte ashtu dhe si ka ndodhur. Ne kendveshtrimin e kerkesave ligjore ishin plotesuar te gjitha kushtet e kriteret per aplikimin e lirimit para kohe me kusht megjithate organi i prokurosise per te mos sygjestionuar gjykaten ne keto lloj gjykimesh qe jane gjykime atipike penale nuk eshte shprehur se eshte dakort me pranimin e kerkeses se te denuarit Hekuran Billa. Dhe kjo per arsye se vuante denimin per nje vrasje te kryer ne Angli dhe se nuk kishte paraqit ndonje prove me lidhje me pajtimin.
Hekuran Billa rezulton se është dënuar me burgim të përjetshëm në Angli për vrasjen e një 22-vjeçari të identifikuar si Prel Marku , ndërsa plagosi dy të tjerë, Petrit Brahoj, Agron Gjoni.
Ekzekutimi i Hekuran Billës ndodhi në afërsi të një qendre tregtare te Komuna e Parisit në një kohë kur zona kishte shumë lëvizje qytetarësh.
Sipas policisë, vrasësit u kthyen nga e njëjta rrugë në të cilën kishin ardhur, në daljen më të shpejtë në autostradë.
Makina e atentatorëve u gjet më vonë e djegur në Pezë.
Në video shihen gjithashtu disa makina të tjera që përplasen me njëra-tjetrën në përpjekje për t’u larguar e për t’i shpëtuar plumbave.
Motivet e ekzekutimit të Billës janë ende të paqarta, por dyshimi kryesor mbetet hakmarrja.
