Sekretari i Përgjithshëm i Shoqatës Shqiptare të Bankave, Spiro Brumbulli, ka deklaruar sot se fenomeni “cash” mund të ndikojë negativisht tek amnistia fiskale.
I ftuar në “Real Story”, Brumbulli tha se gjithë biznesi i vogël apo restorante e lokale punojnë ‘cash’ por që amnistia fiskale të jetë e mirë duhet që këto fenomene mos të përsëriten dhe për këtë duhej garanci.
Sipas Brumbullit, amnistia fiskale varet nga periudha nëse është e mirë apo e keqe, por momentalisht ekonomia shqiptare është ‘cash’.
”Amnistia fiskale, nuk e ndajmë dot është e mirë apo e keqe. Ekonomia jonë është cash, 1/5 është jashtë bankave. Shumica e njerëzve përdorin cash. Dhe kjo e vështirëson shumë këtë.Që të ndërmerret, përgjigjia e parë është që nga ky moment nuk duhen përsëritur këto fenomene, cash-i dhe kanalet zyrtare. Në Greqi ka funksionuar por jo plotësisht. Mendimi im është që a jemi gati që nesër nuk do ndodhë nesër? Me gjithë këtë cash që kemi ne, prap ne ngelemi tek cash-i. Gjermania vetëm vitin e kaluar balancoi 50- 50. Suedia deri në 2023 do që të jetë vendi i parë që nuk përdor cash. Ekzemplar dmth. Nuk na garanton pra që nuk do përsëriten këto fenomenet cash.Administrativisht çfarë garantojmë ne. Biznesi i vogël punon cash. Restoranti. Nuk është rasti për ta bërë këtë. Por edhe ndërtimin e kemi me shumë evazion. Nuk është më kollaj të futësh para për shit-blerje.”- tha Brumbulli.
Kryeministri Edi Rama deklaroi në seancën plenare të 2 marsit se amnistria fiskale do do të miratohet shumë shpejt me 84 vota në parlament dhe nënvizoi se nuk do të ketë shans ta kthejë njeri pas për arsye politike.
Tashmë, pas 3 muajsh, duket se qeveria shqiptare është gati që të kalojë në Kuvend amnistinë fiskale.
Më 20 prill kryeministri Edi Rama deklaroi se nga kjo amnisti përjashtohen njerëzit e lidhur me krimin, (ata që janë subjekt i OFL-së), zyrtarët e Policisë, Gjykatave, Prokurorive por edhe të insitucioneve të tjera të larta.
Sipas draftit përjashtim nga kjo amnisti bëjnë vetëm ata që kanë qenë në këto detyra tre vitet e fundit, ndërsa ata të cilët janë larguar nga detyra para 2017 mund që të “legalizojnë” paratë e tyre.
“Nuk do të përfitojnë funksionarët e lartë të shtetit, që nga presidenti, kryeministri, ministrat deputetët e deri tek nëpunësit civil, prefektët, drejtor, prokuror, gjyqtar apo edhe drejtues të policisë.Po ashtu përjashtohen subjektet të cilët brenda tre viteve të fundit kanë qenë mbajtës të detyrave apo funksioneve të larta, personat me të shkuar kriminale apo ata që janë akuzuar për financim të terrorizmit”, thuhet në një pjesë të draftit.
Pjesë e kësaj amnistie janë edhe emigrantët, të cilët do të kenë mundësi të deklarojnë pasuritë e tyre me plotësimin e një formulari të posaçëm me të cilin më pas do të bëjë depozitimin e parave në banke.
Pas plotësimit, formulari verifikohet nga njësia e posaçme dhe nëse merret “OK” qytetari shkon në bankë për të depozituar paratë.
Pas deklarimit të depozitimit të parave në bankë, qytetari do të konsiderohet se i ka shlyer të gjitha detyrimet tatimore sipas ligjeve në fuqi.
