Që prej tërmetit të 26 nëntorit të vitit të kaluar në Shqipëri ka pasur një numër të lartë lëkundjesh.
Sipas Institutit të Gjeoshkencave, vetëm në 48 orët e fundit ka pasur 18 tërmete.
Më i forti ka qenë ai i pasdites së djeshme, me një magnitudë 4.2 ballë të shkallës Rihter.
Tërmeti i rënë pasditen e djeshme rreth orës 17:22 kishte një thellësi 6 kilometra në tokë dhe epiqendër mes Hamallajt (Durrës) dhe Fushë-Krujës.
Tronditjet e tij u ndjenë në pjesën më të madhe të Shqipërisë së Mesme.
Nga dje deri më sot nëntoka shqiptare është lëkundur të paktën 18 herë të tjerë dhe epiqendra ka qenë sërish në zonën në fjalë duke risjellë në vëmendjen e shqiptarëve tërmetin e 26 nëntorit.
