Gazetari Artan Hoxha ka zbardhur detaje të reja lidhur me dinamikën e atentatit me armë të ndodhur sot në Elbasan, ku mbeti i plagosur Ardian Çapja.
Sipas Hoxhës ky atentat do të sjellë atentate të tjera, pasi ngjarja e sotme është thjeshtë emisioni i radhës së atentateve në qytetin e Elbasanit.
Po ashtu, gazetari theksoi se fuqia e grupeve kriminale vjen për shkak të lidhjeve politike që ata kanë dhe se për këtë arsye ata përfshihen dhe në fushata elektorale.
“Ngjarja e sotme është thjeshtë episodi i radhës, nuk ka ndërprerë asgjë. Është thjeshtë episodi që dëshmon se do të ketë një goditje tjetër. E vetmja gjë që lus në Elbasan është që goditja të mos bëhet në ambiente të hapura ku do ta haji ndonjë i pafajshëm. Inshallah janë qitësa selektiv dhe merren me njëri-tjetrin. Sepse nëse do të ketë një ngjarje si ajo e 3 shkurtit ku në lokalistin 14 veta dhe aty erdhën 4 oautrë që hapin zjarr, atje i shpëtoi zoti njerëzit. Pjesa e fuqisë së grupeve, nga paraja. Nga buron para e tyre? Janë lidhjet politike. Pse përfshihen në fushata elektorale sepse u garanton mbrojtjen e tyre. Cili polic do të hyjë atje kur sheh në mur foton e kryeministrit”,-tha Hoxha.
Mëngjesin e sotëm Elbasani do zgjohej me një ngjarje të rëndë, pasi Ardian Çapja, koka e familjes Çapja dhe pronari i një sërë bizneseve ka rënë pre për herë të tretë e një atentati.
Ai është qëlluar me snajper, por arriti të mbijetonte, duke u plagosur në shpatullë dhe këmbë, teksa menjëherë u transportua drejt Spitalit të Traumës në kryeqytet.
Mësohet se një person i veshur si punonjës në fushën e ndërtimit, me kominoshe që përdorin punonjësit e llaçit, ka zbritur nga një automjet i llojit “Range Rover”, i Policisë dhe ka vrapuar drejt banesës së Çapjave, ku ka qëndruar për më shumë se një orë.
Ky person, mendohet të jetë kyç në atentatin e ndodhur sot.
Nga ana tjetër, pas atentatit, mësohet se janë angazhuar të gjithë njerëzit e Çapjave dhe janë vënë në ndjekje të autorëve, ndërsa disa prej tyre bllokuan rrugën kryesore në dalje të Krastës dhe pritën momentin kur me ‘shpejtësi skëterrë’ kaloi mjeti i atentatorëve.
Atentatorët janë larguar me ndihmën e disa personave të tjerë, që dyshohet se i prisnin në fillim të lagjes së re në Elbasan.
I plagosur ka ngelur edhe një zjarrfikës i cili ka tentuar të shuajë flakët tek makina e djegur e autorëve, por aty është përballur me shpërthimin e disa fishekëve.
Edhe pse plumbi i kaloi pak centimatra pranë zemrës dhe një tjetër e mori në këmbë, Çapja ia doli të mbijetojë por është në rrezik për jetën.
