Një gjest aspak i zakonshëm i ka ndodhur këtë të hënë në Prishtinë ish-kryeministrit Albin Kurti, i cili teksa po lëvizte në shesh duke ndjekur nënshkrimin e peticionit për shkuarje në zgjedhje, u përballë me një qytetar.
Ky i fundit është përkulur para tij duke tentuar t’i puthë këmbët, gjë e cila ka bërë që fillimisht të ndërhyjnë truprojat e tij, të cilët kur kanë kuptuar qëllimin e qytetarit, kanë reaguar duke shmangur puthjen e këmbëve të liderit të VV-së.
https://www.facebook.com/gazetaiinfokus/videos/264926674622901/
Kurti ka folur sot nga Prishtina për gazetarët lidhur me zhvillimet e fundit politike në Kosovë.
Sakaq për manifestimin e 12 qershorit të paralajmëruar nga VV-ja, ai ka thënë se nuk do të jetë protestë, por manifestim duke respektuar rregullat e pandemisë.
“Do ta kemi një manifestim në shesh, do ta ruajmë distancën që të tregojmë se e ruajmë vetën. Nuk është protestë është manifestim, tubim”, ka thënë ai.
Lëvizja Vetëvendosje prej një jave ka filluar të mbledhë nënshkrime për një peticion që kërkon zgjedhje të reja kombëtare në Kosovë.
