Vijon të rritet numri i rasteve të reja me Covid-19 në Krujë, pasi Abc News raporton se një rast i ri është konfirmuar këtë të dielë, teksa nuk dihet se me sa persona ka patur kontakte.
Gjithsej janë testuar 22 persona, por vetëm një ka rezultuar pozitiv dhe bëhet fjalë për një grua, e cili është kontaktuar me të infektuarit e mëparshëm nga fasoneritë.
Ndërkohë një ditë më parë në këtë qytet janë konfirmuar pozitivë me koronavirus edhe 3 raste të tjera dhe deri tani në Krujë numërohet 24 raste aktive.
Nga dita në ditë rritet numri i të infektuar me Covid-19 në Shqipëri.
Ministria e Shëndetësisë bëri me dije një ditë më parë se kanë rezultuar të infektuar 20 persona të tjerë, duke e çuar numrin e përgjithshëm të të prekurve në 1232, teksa harta e të prekurve është përhapur në Tiranë, Shkodër, Krujë, Tropojë dhe Durrës.
Ndërkohë numri i të shëruarve ka shkuar në 925.
