Gjykata e Posaçme e Apelit kundër Korrupsionit dhe Krimit të Organizuar vendosi të ndryshojë vendimin e Gjykatës Kundër Korrupsionit dhe Krimit dhe ta rikthejë në detyrë anëtarin e Kolegjit të Posaçëm të Apelit, Luan Dacin, pas akuzës për falsifikimi të dokumenteve.
Me vendimin e sotëm të Gjykatës së Posaçme Antikorrupsion, Daci rikthehet në detyrë, teksa hetimet për të do vijojnë nga SPAK, ndërkohë që kjo nuk do ta pengojë atë të ushtrojë detyrën pranë KPA.
Treshja që vendosi “pro” rikthimit të tij, përbëhej nga gjyqtarët: Nure Dreni, Nertina Kosova dhe Dhimitër Lara.
Mirëpo, duket se Nertina Kosova, ka qenë në konflikt interesi me Dacin, por gjithsesi e ka pranuar shortin, duke i kthyer një nder Dacit.
Sipas Dosja.al, vendimi në Apel për Dacin, ishte 2:1 dhe vota e Kosovës, që ishte pro, ndikohet nga një ngjarje e ndodhur në vitin 2018, kur ajo kaloi si të gjithë kolegët e saj në “sitën” e Vettingut më 18 korrik.
Faza e parë kaloi me sukses deri në momentin kur Komisioneri Publik, Florian Ballhysa ankimoi vendimin duke pretenduar se ajo nuk i plotësonte të gjitha kushtet për të dalë “e larë” për pasurinë.
Ankimimi, ashtu siç e kërkon edhe ligji, u dërgua në Kolegjin e Posaçëm të Apelimit, ku pjesë e trupës gjykuese nuk ishte asnjë tjetër veçse Luan Dacit, i cili bashkë me kryetaren e KPA-së, Natasha Mulaj dhe anëtarët e tjerë, Ardian Hajdari, Sokol Como, Rezarta Schuetz, i dhanë dritën jeshile Kosovës për t’u rikthyer në detyrë.
Qartësisht të dy kanë konflikt interesi me njëri-tjetrin dhe nuk mundet që Kosova të gjykonte Dacin, pasi ai e riktheu në detyrë duke e shpëtuar nga Vettingu.
Përse nuk hoqi dorë Kosova nga çështja pasi u zgjodh me short?
Në rastin e ‘heshtjes’ të saj, përse nuk pasi një reagim nga drejtuesit e Apelit?
