Kryeministri Edi Rama është takuar sot me Presidentin e Republikës së Kosovës Hashim Thaçi, teksa ka publikuar dhe një foto ‘selfie’ nga zyra, ku shfaqen duke qeshur.
Rama e cilëson takimin me Presidentin e Kosovës vëllazëror teksa pas tyre shihet flamuri shqiptar.
Me Presidentin e Kosovës, pas një bashkëbisedimi si gjithnjë vëllazëror.
Me Presidentin e Kosovës, pas një bashkëbisedimi si gjithnjë vëllazëror🇦🇱👐🏿🇽🇰 pic.twitter.com/apAn50Ezrh
— Edi Rama (@ediramaal) June 5, 2020
Së fundmi, të njëjtën foto ka publikuar edhe Thaçi, i cili ka zbuluar edhe temën e diskutimit me Ramën, pasi kryeministri u tregua diskret.
Thaçi shkruan se ka diskutuar për bashkëpunimin mes dy vendeve pas situatës së pandemisë dhe se duhet bashkëpunim dhe për rimëkëmbje të suskesshme të ekonomive.
“Me kryeministrin Edi Rama diskutoi mënyrën e bashkëpunimit mes Kosovës dhe Shqipërisë për të rihapur të sigurirt shoqëritë tona, dhe të sigurojmë një rimëkëmbje të suksesshme të ekonomive tona. Bashkëpunimi rajonal është thelbësor për të ecur përpara dhe për të sjellë prosperitet për qytetarët tanë”, shkruan Thaçi.
Më herët ditën e sotme Thaçi zhvilloi një takim me presidentin Meta dhe pas tij ka takuar kryeministrin, me të cilin gëzon një marrëdhënie të mirë.
Thaçi u shpreh ditën e djeshme se kishte ardhur në Shqipëri për një vizitë miqësore, për të takuar liderët politikë për shkak edhe të zhvillimeve të fundit politike në të dy vendet.
Kjo është edhe vizita e parë e Thaçit pas rihapjes së kufirit mes dy vendeve, si shkak i pandemisë së Covid-19.
Nga ana tjetër, Rama nuk ka patur një raport shumë të mirë me ish-kryeministrin Albin Kurti, i cili ka deklaruar se gjatë pandemisë nuk ka zhvilluar asnjë takim me Ramën ndonëse kishte tentuar disa herë.
