Qytetarët e Tiranës kanë dalë në shesh pasditen e sotme për të ngritur zërin kundër abuzimit seksual me të miturit.
Të mbledhur në grup, qindra qytetarë, mes tyre burra, gra dhe prindër që kanë marrë me vete fëmijët e tyre, kërkojnë që të miturit të respektohen.
Ajo që ra në sy më shumë në këtë marshim ishte prania e lartë e të rinjve, që janë sensibilizuar me këtë temë delikate.
Mes qytetarëve dhe aktivistëve ka edhe personazhe publike, si Eli Fraa, Avokatja e Popullit, Aurela gaçe, deputeti Halit Valteri, Rudina Hajdari, Grida Duma, pedagogia Iris Luarasi, Artan Manushaqe, Xhemi Shehu, Arbana Osmani, Rovena Dilo, Dojna Mema, Bora Zemani, Donald Veshaj, Olsi Bylyku etj.
I pranishëm është edhe babai i 15-vjeçares së abuzuar në Babrru, ngjarje nga e cila mori nismën kjo protestë.
Edmond Thanasaj, me një kapele në kokë dhe me një shami në fytyrë, tha se duhet të bëhet diçka që kjo situatë të mos vazhdojë më.
Ai u shpreh se atë që e vuajti vajza e tij të mos e vuajë asnjë tjetër e re, ndërkohë që shtoi se nuk ka asnjë lloj shprese nga qeveria.
Sipas tij, kryeministri Edi Rama, nuk do të bëjë asgjë sepse ai nuk ka vajzë vetë dhe nuk e di ç’do të thotë kjo gjë.
“Dëgjova në Parlament që Edi Rama denoncoi atë djalin. E dëgjova dhe nuk bëri asgjë, sepse ai vetë nuk ka vajzë. E dëgjova në Parlament. U lutem prindërve, vëllezërve, dhe mësuesve që të kenë kujdes sepse fëmija është fëmijë, gënjehet me një karamele. Fëmijët t’i qëndrojnë sa më afër fëmijëve dhe të flasin me ta. Ne jemi më të urtë në Bbarru. Atje më kërcënojnë, më thinë jo do të vrasim e kshu. Ata janë të gjithë grup dhe e bëjnë këtë gjë ku të gjejnë. I lutem ministres së arsimit. Mirë që e vuajti vajza ime, por të paktën të mos vuajnë të tjerët. Ai që e bëri të kalbet atje. Veç mos daltë gjallë se kam me e vra. E di qeveria, nëse qeveria s’e kalb në burg sepse do t’ja jap unë dënimin. Unë u bëra sebep që fola,”- tha Thanasaj.
