Pas reshjeve të dëborës, Autoritetit Rrugor Shqiptar ka dhënë informacion për gjendjen e rrugëve në disa qarqe të vendit.
Sipas ARRSH gjendja në gjithë segmentet rrugore nga Qafë Mali deri në Qafë Muzinë është e rënduar për shkak të temperaturave të ulëta dhe reshjeve intensive të borës.
Gjendja e rrjetit rrugor dhe kushtet e qarkullimit të automjeteve paraqiten si më poshtë:
Në Rajoni Verior Shkodër: Gjatë natës e deri më tani ka pasur reshje dëbore me intensitet.
Kontraktorët kanë bërë pastrimin dhe trajtimin me kripë të gjithë segmenteve rrugore. Qarkullimi kryhet pa zinxhir në akset Kukës – Bushtricë dhe Kukës – Ura e Zapodit, Qafe Lac – Koman, Koplik – Bogë, Dedaj – Razëm.
Në segmentin Skuraj – Burrel – Klos – Bulqizë – Peshkopi aktualisht lëvizja e mjeteve kryhet pa zinxhire, por rekomandojmë përdorimin e zinxhirëve dhe gomave të borës pasi reshjet po intensifikohen. Në rrugën Ura e Cerenecit – Stebleve, po punohet me borëpastruese dhe fadroma për pastrimin e rrugës dhe qarkullimi kryhet me zinxhirë vetem në pjesën fundore.
Në segmentet e mëposhtme qarkullimi kryhet me zinxhirë:
Qafë Mali – Fierzë (ka reshje me intensitet, rreth 20 cm borë), Qafe Qele – Pukë – Fushë Arrëz– Kukës, Shkodër – Hani i Hotit dhe Ura e Topojanit – Dogana Bllate. Firmat e mirëmbajtjes po punojnë intesivisht me borëpastruese e trajtim me kripë për pastrimin total të këtyre segmenteve.
Në Rajonin Qendror Tiranë: Gjate nates dhe tani , ka reshje shiu dhe bore. Në akset e Dajtit po punohet nga kontraktori për pastrim dhe trajtim me kripë. Segmenti Qafë Priske – Qafë Mollë – Shengjergj, Trau Dajt – Teleferik qarkullohet me zinxhirë. Reshje të dobëta ka patur në Gjinar dhe Steblevë. Po punohet intensivisht per pastrimin e akseve. Deri tani nuk ka probleme. Në Librazhd – Qafë Thanë, ka patur reshje me intensitet. Qarkullimi rekomandohet me zinxhirë.
Në Rajonin Jugor Gjirokastër: Në Qarqet Korçë dhe Gjirokastër ka reshje me intensitet të lartë.
Në akset e Korçës trashësia e borës shkon rreth 20 cm. Në akset e Dardhës, Voskopojës, Korçë– Qafë Qarri – Ersekë, Liqenas – Dogana Goricë, qarkullohen me zinxhirë. Aksi Kryesor Qafë- Thanë – Pogradec – Korçë – Kapshticë, qarkullohet me zinxhirë. Edhe segmentet Tepelenë – Dorez – Qafë Dushk dhe Sevaster – Kalivac, Përmet – Carshovë, Ura e Leklit – Këlcyre , Jorgucat – Muzinë – Syri i Kaltër, Gjirokastër-Tepelenë dhe Gjirokastër Kakavijë, qarkullohet vetëm me zinxhirë. Rruga Dukat – Llogara – Sarandë është e hapur dhe qarkullohet pa zinxhirë.
