Ish-deputetja e Partisë Socialiste, Arta Dade ka qenë e ftuar mbrëmjen e djeshme në “A Show”, e cila ka folur për prishjen e Teatrit Kombëtar.
Kjo çështje është në fokus prej shumë ditësh, më saktë që nga data 17 maj.
Kjo ka qenë edhe dita kur u shemb godina e Teatrit Kombëtar.
Në fjalën e saj, Dade u shpreh e zhgënjyer nga kryetari i bashkisë së Tiranës, Erjon Veliaj.
Ajo besonte për këtë të fundit se ai mund të ishte një alternativë për Partinë Socialiste, por me pishjen e Teatrit ajo shprehet e bindur se thjesht Veliaj ka qenë një mbështetës i flaktë i Ramës.
“Unë nuk besoja që do të arrinim në këtë akt final. Kam qenë në kontake me “Europa Nosta”.
I kisha thënë se nuk besoj të arrijmë deri atje. Duke pasur një lloj besimi tek kryetari i Bashkisë. Kam pasur shumë dëshirë ta shoh si alternativë të PS-së.
Nuk është alternativë por mbështetës i flaktë i Edi Ramës.
Që të bësh karrierë në politikë, kanë një farë përvojë me “Mjaft” dhe “G99”, besoja që Erioni nuk do t’i merrte përsipër kusuret e Edi Ramës.
Nga vetë emri Teatër Kombëtar, ishte në autoritetit të ministrisë. Nuk ka sesi një Teatër t’i përkasë Bashkisë. Është bërë akt i paprecedentë.
Jam ndjerë shumë keq. Kur hap televizorin dhe shoh dhunën, të cilën kryeministri e mohon, mu kujtua vetja ime që policia ka bërë masakër me liderët e opozitës.
Të paktën të thotë edhe për elegancë që unë se kam parë por jo ta mohojë.
Dhuna ishte evidente, nuk e mohoj. Dhuna bëri që PS të vinte në pushtet atëherë.
Namik Dokle shkoi me album në Këshillin e Europës. Rama e ka pasur këtë obsesion për të shembur Teatrin,”-u shpreh ajo.
