Pas analizave të kryera ditën e djeshme, 5 efektivë policie në Kukës rezultojnë me COVID-19.
Të gjithë ata efektivët kanë pasur kontakte me kolegun e tyre të infektuar.
Tashmë pritet që të gjithë familjarët e efektivëve të policisë dhe kontatket e tyre t’i nënshtrohen testit.
Mësohet se përveç policëve, ka rezultuar pozitive edhe një familjare.
Me rastet e reja, numri i të prekurve nga COVID-19 në Kukës shkon në 18.
Ndërkohë në rang kombëtar numërohen 678 raste nga të cilët 394 të shëruar dhe 27 viktima.
Prej dy javësh numri i të shëruarve e ka kaluar numrin e të infektuarve aktiv.
Në shërbimin infektiv aktualisht janë 30 të shtruar nga të cilët 4 pacientë janë në terapi intensive.
Ndërsa në spitalin COVID 2 “Shefqet Ndroqi”, janë 8 pacientë të shtruar, 4 prej të cilëve në terapi intensive në gjendje të rënduar, ndërsa pjesa tjetër ndodhen në pavion.
