Kryeministri Edi Rama publikoi ditën e djeshme në Facebook listën e plotë të bizneseve që do të lejohen të hapen pas 27 prillit e që të plotësojnë protokollin e sigurisë dhe masave kundër COVID-19 në aktivitetin e tyre, në të kundërt do të mbyllen.
Hapja e bllokut të dytë të bizneseve, ja lista e plotë e aktiviteteve që nisin punën pas 27 prillit
Pasditen e sotme Rama ka kujtuar të gjitha këto bizneset se në ambientet e tyre duhet të zotërojnë lejen përkatëse dhe vërtetimin nga e-albania se biznesi i tyre lejohet të zhvillojë aktivitetin e tyre gjatë situatës së pandemisë.
Përveç autorizimit duhet të disponojnë dhe protokollin përkatës të sigurisë të masave kundër COVID-19, në të kundërt do të përballen me sanksionet dhe masat e përcaktuara në Kodin Penal dhe do të jenë Task-Forcat e ngritura për situatën anti COVID-19, që do të zhvillojnë inspektimet në të gjithë bizneset që përfitojnë nga lehtësirat me pikatore që qeveria po ndërmerr gjatë kësaj kohe.
“Kujtesë! Çdo biznes i lejuar për hapje duhet të disponojë në mjedisin përkatës vërtetimin nga www.e-albania.al dhe protokollin përkatës të sigurisë, duke filluar nga e hëna 27 prill! Task-forca ndërinstitucionale anticovid-[19 do të inspektojë dhe sanksionojë, në bazë të aktit normativ dhe të kodit penal çdo biznes që nuk do të ketë dokumentacionin përkatës, si edhe kushtet e përcaktuara nga protokolli”, shkruan Rama.
Ditën e djeshme, Rama tha se do të qëndrojnë gati për t’u rikthyer në fazën fillestare nëse epidemia do të arrijë në nivele të padëshirueshme.
Po ashtu, kreu i qeverisë bëri me dije se amnistia fiskale këtë javë do të kalojë në Parlament.
