Teksa kemi hyrë në muajin e dytë të karantinës, duket se njerëzit janë mërzitur nga qëndrimi në shtëpi dhe të gjithë presin me padurim kthimin në jetën normale.
Vende të ndryshme janë në gjendje shumë të vështirë, kurse vende të tjera e kanë menaxhuar më mirë situatën dhe mund të rikthehen më shpejt në jetën e mëparshme.
I pyetur se si paraqitet e ardhmja në vendin tonë, kreu i qeverisë Edi Rama tha në “Opinion” se nuk do të bëjë parashikime të gabuara, por ka shpresa se muaji maji do jetë “momenti i tranzicionit”.
Më tej, kryeministri tha se në 15 ditëshin e ardhshëm do lehtësohet lëvizja e makinave dhe në muaji maj do lehtësohet lëvizja e pensionisteve.
“Shqiptarët duhet të jenë optimistë. Makinat e autorizuar për biznes nuk i pengon njeri që të punojnë. Kufinjtë do të shohim ç’do të bëjnë edhe të tjerët. Një hapje të ngushtë po e bëjme ditën e shtunë. Në maj do të kemi një periudhë tranzicioni. Do të kemi më shumë lehtësira. Do të lirojmë pensionstët. Do të lehtësojmë lëvizjen e automjeteve. Në 10-15 ditëve të ardhshme do të lehtësojmë lëvizjen për makinat.”
Më tej, ai shtoi se skenari i hapjes përfshin tre kategori: kategori me risk të ulët, të mesëm e të lartë.
Rama theksoi se skenari i hapjes do të jetë gradual dhe do shoqërohet me protokolle të caktuara.
“Ajo që po ju thoja, jo më larg se sot ne kemi patur një diskutim për skenarin e hapjes. Është një skenar shumë i lidhur me atë që bëmë sot në Kuvend, pra futja në Kodin Penal ndryshimet për epideminë. Presim dhe firmën e Presidentit, kemi pasur një komunikim të harmonizuar. Do fillojmë të hapemi që kush shkel është më i rëndësishëm se sa sot. Në skenarin e hapjes janë tre kategori, kategori me risk të ulët, të mesëm e të lartë. Te kategoria me risk të ulët, shitje me pakicë në dyqane jo të specializuara, aktiviteti i taksive me një person të vetëm, tregtia e mobiljeve, bizhuteritë etj. Kjo është fasha e parë që ne duhet të hapim në ditët në vijim. Është shumë e rëndësishme të futet në fuqi Kodi i ri Penal, pasi është i rëndësishëm për biznesin, hapja do të shoqërohet me kushte të reja strikte. Java e ardhshme është përgatitore. Do të thotë që ai 400 mijë lekshi është një frymëmarrje në ekonominë familjare. “
