Disa ditë më parë, në një lidhje me Skype për emisionin “Provokacija”, kreu i qeverisë Edi Rama tha se nuk ka bërë testin për COVID-19, pasi nuk e ka parë të nevojshme dhe të arsyeshme për t’iu nënshtruar këtij lloj testi, sepse nuk ka simptoma.
“Kryeministri më fatkeq, e keni kryer testin e COVID-19?”, rrëfehet Rama
Mirëpo, gazetari Artur Çani ka deklaruar sot në “360 gradë” se kryeministri Rama ka gënjyer, pasi sipas gazetarit, ai e ka bërë testin në zyrën e tij, në Kryeministri.
Sipas Çanit se në zyrë ka pasur dhe persona të tjerë dhe analizën ia ka marrë stafi i spitalit Amerikan, pra nuk e ka bërë në spitalin Infektiv.
“Rama ka gënjyer hapur duke thënë se nuk e ka bërë testin për koronavirusin. Unë po e them këtu hapur që me datë 23 mars të këtij viti Rama e ka bërë analizën, ja kanë bërë në zyrën e tij me këta të laboratorit qëndror të spitalit Amerikan. Nuk e ka bërë madje as me emrin e tij. Kanë qenë disa njerëz prezent, nuk ka qenë i vetëm. Dhe prapë tha nuk e kam bërë”.
Më tej, Çani ka se edhe disa ministra të qeverisë e kanë bërë testin e Covid-19, duke shtuar se ia kanë thënë vetë atij personalisht.
“Pse disa ministra të kabinetit Rama më thanë menjëherë që “po e kemi bërë testin”. Pse Meta më tha e kam bërë testin, pse Rama thotë nuk e kam bërë? Këtu është ndryshimi. Nuk trembet njeriu duke i thënë të vërtetën”, u shpreh gazetari Artur Çani.
