Paaditen e sotme një magazinë në zonën e Kamzës është përfshirë nga flakët.
Shkak dyshohet të jetë bërë një shkëndijë elektrike, duke bërë që magazina dhe të gjitha materialet që kishte brenda saj të shkrumbohen.
Zjarri i befasishëm ka alarmuar lagjen në Kamëz, duke thyer qetësinë e krijuar nga izolimi për shkak të koronavirusit raporton Report Tv.
Magazina ndodhej mes disa banesave duke rrezikuar edhe ato nga flakët, teksa disa banorë janë përpjekur të fiknin zjarrin me mjete rrethanore, deri në ardhjen e zjarrfikëses.
Fatmirësisht, nga zjarri nuk ka pasur asnjë të lënduar në njerëz, por vetëm dëme materiale.
