Urimeve të shumta në këtë ditë të shenjtë për besimtarët katolikë, të cilët kremtojnë sot Pashkët, iu bashkua edhe ministrja e Shëndetësisë Ogerta Manastirliu, e cila ka ndarë një foto prekëse nga spitali “Shefqet Ndroqi”.
Në foto shihet një prej pacientëve të shtruar, që mban në dorë një vezë pashke, teksa pranë i gjendet një mjeke.
Ministrja thekson se në këtë ditë simbol të triumfit të jetës mbi vdekjen, mendimet shkojnë për ata që sakrifikojnë e sakrifikohen në spitalet tona, në këto ditë të vështira në përballjen me koronavirusin.
MESAZHI I MANASTIRLIUT
Siç thotë Papa Françesku: “Fjala e fundit nuk do t’i mbetet as errësirës dhe as vdekjes”.
Në këtë ditë simbol të triumfit të jetës mbi vdekjen, mendimet tona shkojnë për ata që sakrifikojnë e sakrifikohen në spitalet tona, në këto ditë të vështira në përballjen me #Covid19
Ky gjest domethënës në spitalin #Covid2 “Shefqet Ndroqi” na jep shpresë dhe forcë, se do t’ja dalim #bashkë që jeta të triumfojë kudo dhe kurdoherë.
Ditën e sotme ka shkuar në 446 numri i të prekurve pasi në 24 orët e fundit janë regjistruar 14 raste të reja dhe janë shëruar 20 pacientë.
Deri tani kanë humbur jetën 23 persona.
