Mbrëmjen e sotme presidenti i Kosovës Hashim Thaçi realizoi një lidhje me Skype për emisionin “Open”, ku foli rreth krizës politike që ka kapluar vendin.
Mirëpo, gjatë intervistës, presidenti është përfshirë në një debat me Eni Vasilit, madje edhe e ka fyer këtë të fundit pasi gazetarja i tha se e akuzojnë se do të shpallë gjendjen e jashtëzakonshme për interesa personale.
“Zoti Thaçi në Kosovë ju akuzojnë se doni të shpallni gjendjen e jashtëzakonshme për interesa personale, për të marrë atribute që nuk i keni, por ju’a jep Kushtetuta”, i tha Eni Vasili.
Mirëpo, Thaçi e quajti këtë një klithje të kujtdo që e thotë, madje edhe të moderatores.
Po ashtu, Thaçi i ka kërkuar gjykatës ndërrimin e orës policore të vendosur nga Kurti, në kuadër të masave për parandalimin e përhapjes së koronavirusit.
Mirëpo, edhe në këtë rast Thaçi bëri dy deklarata kontraditore:
Nga njëra anë ai tha: “Nuk besoj se këto masa janë të domosdoshme, sepse në Kosovë nuk ka shumë të infektuar”.
Dhe nga ana tjetër tha: “Fajin për mbërritjen e koronavirusit në vendin tonë dhe rastet e infektuara e ka kryeministri Kurti sepse nuk mori masat e duhura dhe nuk mbylli kufijtë me Italinë”.
Debati mes Eni Vasilit dhe Hashim Thaçit:
Eni Vasili: Zoti Thaçi në Kosovë ju akuzojnë se doni të shpallni gjendjen e jashtëzakonshme për interesa personale, për të marrë atribute që nuk i keni por j’ua jep Kushtetuta…
Hashim Thaçi: Kjo është një klithje e kujtdo që e thotë, edhe e juaja.
Eni Vasili: Jo jo, kjo nuk është shpikje e jona. E thonë politikanët në Kosovë.
Hashim Thaçi: Dua të theksojë që gjendjen e jashtëzakonshme nuk e shpall Presidenti. Por kam pasur propozime nga të gjitha partitë paralamentare që të shpallë gjendjen e jashtëzakonshme. Unë sa kam marrë hapin e parë, ka nisur dhe bllokimi nga qeveria.
