Mbërritja e COVID-19 në vendin tonë ka bërë që shqiptarët, ashtu si çdo shoqëri tjetër, të vetëizolohen në shtëpi e të kufizojnë lëvizjet e tyre për të parandaluar përhapjen e koronavirusit.
Shpesh herë kryeministri Rama është shprehur në daljet e tij publike: “Më ka rënë mua të jem babai i këtij vendi në këtë situatë”, duke nënkuptuar vështirësinë në detyrë.
Teksa Rama ka thënë se izolohet çdo fundjavë në banesën e tij në Surrel, duket se djali i tij, Gregu, është izoluar prej ditësh, duke hasur të njëjtat vështirësi si gjithë të rinjtë e tjerë.
Nga karantina, Gregu ka shpërndarë në rrjetet sociale një thënie, që përshkruan më së miri edhe aktualitetin:
“Ndonjëherë mos të bësh asgjë është gjëja më e vështirë për t’u bërë”, ka shkruar djali i kryeministrit në Instagram.
Nga 9 marsi e deri tani në Shqipëri janë identifikuar 197 të infektuar me COVID-19, mes tyre 4 fëmijë, teksa janë shënuar 10 viktima, por janë shëruar 40 pacientë.
Puka i është bashkuar listës së fundmi, me 3 të infektuar, ndërsa epiqendra është në Tiranë me 113 të infektuar, teksa pritet edhe përditësimi i të dhënave nga Ministria e Shëndetësisë rreth 24 orëve të fundit.
