Republika e Maqedonisë së Veriut është bërë anëtarja më e re e NATO-s dhe lajmi është bërë me dije nga Sekretari i përgjithshëm i NATO-s, Jens Stoltenberg përmes një postimi në Twitter.
“Mirësevjen në NATO, Maqedoni e Veriut! Ishte një rrugë e gjatë, por të gjitha përpjekjet janë shlyer. Procesi zyrtar i pranimit tani është i plotë, dhe ne jemi të kënaqur që kemi anëtarin e 30-të të Aleancës sonë”, shkruan Stoltenberg.
👏🏻Congratulations #NorthMacedonia on officially becoming @nato’s 3️⃣0️⃣ member!
SecGen @jensstoltenberg could not have said it any better: “🇲🇰 is now part of the NATO family”@BelgiumMFA looks forward to working together on the Euro-Atlantic security#WeAreNATO #StrongerTogether
— Belgium at NATO (@BelgiumNATO) March 27, 2020
Aleatët e NATO-s e kanë nënshkruar Protokollin e Pranimit të saj në shkurt të vitit 2019 dhe pastaj të 29 parlamentet kombëtare kanë votuar për të ratifikuar anëtarësimin.
Ceremonia e ngritjes së flamurit të Maqedonisë së Veriut është planifikuar të zhvillohet në selinë e NATO-s në Bruksel, më 30 mars.
Ndërkohë, së bashku me vendin tonë, edhe Maqedonia e Veriut ka nisur negociatat për anëtarësimin në BE dhe ndryshe nga ne asaj nuk i është kërkuar përmbushja e ndonjë kushti.
