Ditën e sotme në doganën e Muriqanit mbërritën disa mjete me udhëtarë nga Italia.
Ata janë urdhëruar nga autoritetet në doganë, që të vetëkarantinohen, pasi në të kundërt do të gjobiten.
Drejtori i Policisë së Shkodrës, Niko Brahimaj, bëri me dije se janë identifikuar të gjithë udhëtarët dhe do të mbahen në vëzhgim.
Ata do të shoqërohen deri në kufi me Lezhën dhe më pas drejt Tiranës, i cili ishte edhe destinacioni i tyre final.
Brahimaj tha se bëht fjalë për dy autobusë, një furgon dhe disa mjete të vogla.
“Ne jemi bashkë, dhe i porosimin dhe i njoftojmë që të vetëkarantinohen për 14 ditë që e ditë të gjithë. Nëse këtë qytetarë nuk vetëkarantinohen dhe konstatohen nga policia, do vendosim gjobë. Janë marrë të gjithë të dhënat, janë identifikuar dhe e dimë kush janë me nr pashaporte ose ID kartë dhe i kemi paralajmëruar. Asnjë tolerim kush shkel rregullin. Do shoqërohen nëpërmjet shërbimeve të qarkullimit deri në kufi me Lezhëm dhe më pas Lezha do t’i shoqëroj deri në destinacionin final që është Tirana. Do të vetë karantinohen. Janë dy autobus, një furgon dhe disa mjete të vogla. Nuk kemi informacion që do të vijnë mjetet të reja nga Italia”, tha Brahimaj.
Aktualisht në Shqipëri është shënuar një viktimë nga koronavirusi, ndërsa 11 të tjerë janë të infektuar.
Pacienti zero në vendin tonë u fut nga dogana e Hanit të Hotit më 26 shkurt.
Ai infektoi babanë dhe tre të afërm, të cilët tashmë ndodhen në repartin e Infektivit në QSUT.
Qeveria ndërkohë ka marrë një plan masash për të parandaluar përhapjen e virusit, duke filluar që nga mbyllja e lokaleve e deri te gjoba për ata që shkelin rregullat e vetëkarantinimit.
