Tre autobusa me shqiptarë, të cilët udhëtonin nga Italia, janë bllokuar nga autoritetet në Mali i Zi.
Ata pritet të shoqërohen deri në Shkodër, ku do të merret një vendim për ta.
Sipas “Balkanweb”, shqiptarët nuk lejohen të zbresin nga autobusët dhe janë në mbikëqyrje të plotë nga autoritetet malazeze.
Që prej ditës së djeshme, Shqipëria ka ndërprerë fluturimet dhe lundrimet me Italinë, përjashto mallrat.
Ministrja e Infrastrukturës, Belinda Balluku, u shpreh, se nëse Italia kërkon të tërheqë shtetas të saj, duhet të sjellë tragete ose avionë bosh.
Kujtojmë se Italia është vendosur e gjitha në karantinë me dekret të kryeministrit Giuseppe Conte.
Ndërkohë në Shqipëri ditën e djeshme numri i të prekurve nga koronavirusi ka shkuar në 10, ndërsa janë kryer 114 teste.
Pacienti zero në Shqipëri ka ardhur pikërisht në rrugë tokësore, nga pika doganore e Hanit të Hotit, ndërsa ishte nisur nga Firenze.
Ai më pas infektoi babanë e tij dhe tre familjarë.
