Në qytetin e Korçës me rastin e 71 vjetorit të ndarjes nga jeta është zhvilluar një aktivitet përkujtimor kushtuar “Artistes se popullit” Tefta Tashko Koco.
Për herë të parë janë transmetuar 6 këngë të saj, të cilat prej dekadash konsideroheshin të humbura, por janë zbuluar kohëve të fundit.
Këngët janë interpretuar dhe regjistruar nga artistja në Milano në vitin 1942.
Këto disqe, materiale fotografike dhe dokumentarë të saj u ekspozuan në ambientet e Muzeut Kombëtar të Arsimit, ku shumë të pranishëm kanë treguar interes të veçantë për dëgjimin e këngëve të panjohura apo edhe për materialet që u përcollën aty.
‘Ishin 2 kunata’ apo ‘Ku do shkosh moj goce e vogël’ , janë dy këngët nga 3 disqet e Tefta Tashko Koços.
“Keto materiale janë një dëshmi me vlerë për historinë tonë kulturore.”- thotë studiuesi i historisë, Niko Kotherja.
