Ditën e sotme qeveria ka zgjedhur Avokatin e ri të Shtetit, duke vendosur në këtë post Enkelejda Muçajn.
Ajo do zëvendësojë në këtë detyrë Artur Metanin, teksa ky i fundit është vendosur në krye të Inspektoriatit të Lartë të Drejtësisë (ILD).
Emërimi i saj është bërë me vendim të Këshillit të Ministrave, pas propozimit të kryeministrit Edi Rama.
Por, kush është Enkelejda Muçaj?
Arsimi:
Diplomë në Tregjet dhe Kreditë Ndërkombëtare- IBA and College of Laë of England and Wales (korrik 2008).
Diplomë Master (LL.M) në të Drejtën e Pronësisë Intelektuale – Akademia e Organizatës Botërore të Pronës Intelektuale dhe Universiteti i Torinos (maj 2008).
Diploma në bashkimet dhe blerjet ndërkombëtare – IBA dhe College of Laë of Anglia dhe Uellsi (korrik 2007).
Diplomë Juridike – Universiteti i Tiranës (1998).
Muçaj ka punuar në firmën Tonucci & Partners që nga viti 2000, duke asistuar klientë të huaj dhe vendas që operojnë veçanërisht në sektorin e naftës, gazit, si dhe industrinë e telekomunikacionit në Shqipëri në transaksione që lidhen me shitjen dhe blerjen e pasurive të patundshme dhe aktiveve operative, si dhe vlerësimin dhe negociimin e çështjeve rregullatore me autoritetet kompetente shqiptare, blerjen e pasurive të patundshme dhe konsultimet për çdo çështje relevante legjislative.
Po ashtu, është angazhuar edhe në çështje juridike, posaçërisht në lidhje me kornizën e re ligjore të ligjit për të drejtat e autorit në Shqipëri dhe ka përfaqësuar Qeverinë shqiptare në lidhje me Ligjin për të drejtat e autorit në negociatat e zhvilluara me OBT për qëllime të pranimit të Shqipërisë në këtë organizatë.
Muçaj është pedagoge për lëndën Ligji mbi pronësinë intelektuale pjesë e Programit Juridik në një universitet në Tiranë.
Vendimi i plotë
“Në mbështetje të nenit 100 të Kushtetutës dhe të pikës 1, të nenit 21, të ligjit nr.10018, datë 13.11.2008, “Për Avokaturën e Shtetit”, të ndryshuar, me propozimin e Kryeministrit, Këshilli i Ministrave VENDOSI: Znj. Enkelejda Muçaj emërohet Avokat i Përgjithshëm i Shtetit. Ky vendim hyn në fuqi menjëherë.”
Kujtojmë se Metani është zgjedhur në krye të Inspektoratit të Lartë të Drejtësisë, pak kohë më parë dhe fill pas këtij vendimi Kuvendi miratoi një paketë ligjore që i shtoi atij kompetencat.
