Frika nga Coronavirusi ka kapluar edhe Komisionin e Venecias, pasi së fundmi raportohet se ka anuluar sesionin e 20-21 marsit, në Shqipëri.
Në këtë sesion Komisioni i Venecias do të publikonte dy raporte për Shqipërinë, mbi emërimet e gjyqtarëve në Gjykatën Kushtetuese dhe për paketën ligjore anti-shpifje.
Kujtojmë se delegacioni i Venecias më herët këtë muaj zhvilloi një vizitë dy ditore në Shqipëri lidhur me ngërçin që ka kapluar Gjykatën Kushtetuese dhe emërimin e anëtarëve të saj.
Delegacioni zhvilloi takime me presidentin Ilir Meta, kreun e Kuvendit Gramoz Ruçi, anëtarët e Komisionit të Ligjeve, Arta Vorspin nga Gjykata Kushtetuese, Avokatin e Popullit, Lulzim Bashën dhe me Këshillin e Emërimeve në Drejtësi, ku është njohur me qëndrimet e palëve dhe ka marrë informacion për procedurat e ndjekura prej tyre për çështjen.
Numri i viktimave ka shkuar në 21 dhe deri më tani regjistrohen plot 821 të infektuar.
COVID-19 ka prekur kryesisht veriun e vendit, ku në Milano janë vendosur në karantinë mbi 50 mijë persona, megjithëse raste të të infektuarve janë shfaqur edhe në jug të vendit.
Në fillim të kësaj jave, Organizata Botërore e Shëndetit paralajmëroi se ndodhemi në prag të një pandemie, teksa ditën e djeshme Drejtori i Përgjithshëm i OBSH vlerësoi se epidemia e Coronavirusit ka arritur në një “pikë vendimtare” dhe u bëri thirrje vendeve të veprojnë “me shpejtësi” për të frenuar virusin shumë të rrezikshëm.
Ndërkohë, më herët ditën e sotme, Organizata Botërore e Shëndetësisë e ka konsideruar nivelin e rrezikut nga Coronavirusi “shumë të lartë”, e tani thotë se shumica, në mos të gjithë vendet e botës duhet të presin shpërthim të epidemisë.
