Edi Rama, në cilësinë e kryetarit të OSBE, ka zvilluar një vizitë dy ditore në Rusi, ku është takuar me ministrin e Jashtëm rus, Sergei Lavrov.
Në fokus të diksutimet kanë qenë çështja e Ukrainës dhe zgjidhjen e konflikit mes Serbisë dhe Kosovës.
Në një intervistë për “Real Story” kryeministri ka treguar detaje nga takimi, për të cilin tha ka qënë një ndër më të vështirët që ai kishte realizuar.
“Hyn në takimet e vështira. Lavrov është një enciklopedi e gjallë e diplomacisë ruse. Është përfaqësues i një prej palëve më të rëndësishmë. Biseda ka qënë interatikve pasi zgjati edhe shumë. Nuk mbeti në atë dhënie-marrjen klasike,”-tha Rama.
Sa i përket çështjes Kosovë-Serbi, Rama u shpreh se ka bërë lobim për shtetin shqiptar, teksa u shpreh se Serbia bën mirë për veten e saj që të njohë shtetin e Kosovës.
“Zgjerimi i agjendës përtej kryetarit të OSBE, ka qenë një zgjedhje e Lavrov. Unë kam zgjedhur të flas për Kosovën. Që kur ne kemi marrë kryesimin e OSBE, është thënë se për Kosovën ne do të qëndrojmë në një pozicion që nuk do na digjte në këtë pozicion që kemi. Është e vlefshme që këtu në Moskë ne ta themi se Serbia duhet ta njohë Kosovën. Unë do të shtoja se njohja e Kosovës nga Serbia, mendoj se edhe faktori shqiptar duhet ta nxisë dialogun. Faktori shqiptar duhet të nxisë dialogun. Në këtë aspekt, u bë gjëja e duhur”, shtoi më tej kryeministri.
Por, më pas, kritikoi pushtetarët në Prishtinë, duke thënë se ata janë dritë-shkurtër, pasi nuk mbështesin dialogun Kosovë – Serbi.
“Biseda ka qenë shumë interesante. Patjetër që biseda në Moskë në pikëpamjen për të arritur rezultate hyn ndër gjërat më të vështira. Bëhet fjalë të jesh përkrah një personaliteti botëror të diplomacisë. Më vjen mirë që biseda ka zgjatur. Unë jam përpjekur që të preken pikat nevralgjike të një tërësie cështjesh. Nuk mund të presësh që në një takim, sado i suksesshëm të jetë, të ketë ndryshime të dukshme, por e rëndësishme është që palët të kenë sensibilizim. Ne jemi në një pozicion shumë delikat si shqiptar, se ne për shkak të disa dritë-shkurtër në Prishtinë, nuk po duam dialogun, kur ky dialogim na duhet”, tha Rama.
Sipas kreut të qeverisë, kushdo që nuk do dialogun mes Kosovës e Serbisë, po ndjek një strategji tragjike, duke nënvizuar se shqiptarët duhet të dëgjojnë Amerikën në disa politika të drejta.
“Duhet të dialogojmë, sepse Serbia ka humbur luftën, ne kemi fituar. Është përgjegjësia e atyre në Prishtinë, që përdorin një retorikë, e cila e bën Serbinë si viktimë. Moska e ka parë gjithmonë Serbinë si viktimë, por në të vërtetë Serbia ka qenë agresore. Kjo është një tragjedi nga pikëpamja strategjike dhe unë shpresoj që kjo trajektore do të korrigjohet. Ideja se shqiptarët mund të refuzojnë edhe idetë e aleatëve historikë, është vetëvrasëse”, tha Rama.
Ditën e sotme u raportua se Richard Grenell ka thënë se “nuk do presë pafundësisht qeverinë e Kosovës dhe Albin Kurtin për të hequr tarifën 100% ndaj mallrave serbe” dhe “nëse tarifa nuk hiqet deri në fund të kësaj jave, atëherë gjërat mund të përshkallëzohen”.
Pritet që në fundjavë, i dërguari i Trump të shqyrtojë çështjen e tarifave dhe nëse nuk arrin dot një marrëveshje me Kurtin, ai pritet që të ndërmarrë hapa që do të largonin SHBA nga kjo çështje, duke e konsideruar Albin Kurtin si “joserioz për partner të Ëashingtonit”, çka do bëj që administrate amerikane të ndërmarrë politika të reja përballë Kosovës në të gjitha fushat ku ka patur bashkëpunim deri tani.
“Nëse Kosova nuk heq taksën ndaj Serbisë deri në fundjavë, gjërat do përshkallëzohen”
