Italia po përballet me një situatë tepër të vështirë për shkak të koronavirusit.
Aktualisht numri i viktimave ka shkuar në 6.
Sipas mediave italiane, viktima ishte transferuar në Brescia nga reparti onkologjik i Cremonas.
Numri i të infektuarve ndërkohë ka shkuar në 230, teksa pritet të rritet edhe më tej.
Rajoni me numrin më të madh të të infektuarve është Lombardia me 230 të tillë.
Milano është kthyer në një qytet fantazmë, me shkolla të mbyllura dhe stacione trenash e metroje të boshatisur.
Në Lion të Francës është bllokuar një autobus i cili vinte nga Italia, ndërsa në ishujt Mauritius është ndaluar zbarkimi nga bordi i një avioni i italianëve që vinin nga zona e rrezikut.
Ndërkohë mësohet se ka ndërruar jetë një person i shtatë në Itali.
Të enjten e shkuar ai ishte transportuar në spitalin e Lodit për shkak të një infarkti.
Viktima është një 80-vjeçar, i cili kishte mbërritur në spital në të njëjtën ditë me pacientin 38-vjecar i cili ishte i parë në Itali i diagnostifikuar me koronavirus.
I moshuari pasi mori ndihmën mjekësore, u transferua në Milano, ku dhe ndërroi jetë.
