“Pas vitesh të tëra izolim, vendi i pazbuluar i Europës po modernizohet duke tërhequr gjithnjë e më shumë turistë“.
Kështu shkruan prestigjiozja britanike “Independent” për Tiranën.
“Qyteti historik është në mes të ndryshimeve masive si pjesë e projektit shumë ambicioz “Tirana 2030”, duke e mbushur me unaza të shumta me hapësirë të gjelbër, shkolla të reja publike dhe godina që respektojnë mjedisin,” -shkruan Indipendent.
Prestigjiozja angleze sugjeron disa nga zonat ku mund të kalohet këndshëm në Tiranë, si për shembull Mali i Dajtit, ku mund të zhvillohet ngjitje me biçikletë, parashutizëm, alpinizëm, ecje ose të vizitosh.
Gjithashtu nuk duhet harruar parku ‘Rinia’ që “është i këndshëm, ndodhet në qendër dhe mban firmën ‘I Love Tirana’ të cilën e keni parë në mijëra foto”,- shkruan gazeta.
Për më shumë gjelbërim sugjeron “Parkun e Madh të Liqenit që ndodhet vetëm 15 minuta më në jug dhe shumë më i gjerë. Aty ndodhet një liqen, lëndina, kopshti zoologjik i qytetit dhe Pallati Presidencial i Shqipërisë me bazamentin e tij të gjerë”.
Indipendent shkruan se për të njohur më mirë historinë, kemi Muzeun Historik Kombëtar.
