Ka shkuar në 130 numri i të infektuarve me koronavirus në Itali.
Sipas mediave italiane 89 raste janë regjistruar në Lombardi, 25 në Veneto, 9 në Emilia Romagna, 2 në Lazio dhe 6 raste në Piemonte.
Ndërkohë deri më tani kanë humbur jetën dy persona, një në rajonin e Lombardisë dhe tjetri në Veneto.
Autoritetet dyshojnë se virusi është përhapur nga 8 turistë kinezë në një lokal, një javë më parë në Milano.
Aktualisht po vijojnë analizat e persona që kanë pasur kontakte me të infektuarit.
Veriu i Italisë është bllokuar tërësisht dhe ndalohet hyrja apo largimi nga qytetet e vatrës së epidemisë.
Vetëm në Vo’Euganeo ku shpërtheu epidemia, numërohen 19 të infektuar.
Sipas mediave italiane 11 komuna janë izoluar, ndërsa mbi 50 mijë persona ndodhen në karantinë.
Gjithashtu autoritetet kanë ndaluar ekskursionet për shkollat.
