Presidenti amerikan Donald Trump ka shkarkuar zyrtarin më të lartë të Shërbimeve të Zbulimit, pas një seance të klasifikuar informimi të ligjvënësve për sigurinë e zgjedhjeve.
Sipas Zërit të Amerikës, pas informacionit të publikuar për anëtarët e Komitetit të Zbulimit, Trump është i shqetësuar se zyrtarët kanë dhënë informacione që mund të përdoren kundër tij.
Kështu, ai vendosi të shkarkojë Joseph Maguire dhe sipas New York Times, ky vendim erdhi pasi një nga njerëzit e afërt të Maguire, Shelby Pierson, u tha ligjvënësve se Rusia do ndërhyjë në fushatën presidenciale amerikane për vitin 2020, duke synuar rizgjedhjen e tij.
Në fakt, marrëdhëniet midis Trump dhe agjencive të inteligjencës amerikane janë ftohur që në zgjedhjet presidenciale të vitit 2016, kur komuniteti i inteligjencës tha se “Presidenti rus Vladimir Putin dhe qeveria ruse aspiruan të ndihmojnë shanset për t’u zgjedhur të presidentit Trump me çdo mundësi”.
Presidenti Trump ka mohuar gjithnjë zërat për ndërhyrje nga rusët, megjithatë, zyrtarët e inteligjencës amerikane kanë theksuar herë pas here se Rusi ndërhyri jo vetëm në zgjedhjet e vitit 2016, por edhe në zgjedhjet e 2018 dhe se do ndërhyjë gjithashtu në zgjedhjet presidenciale të vitit 2020.
