Në prag festash nuk ka si të mos mungojnë besimet e ndryshme në lidhje me festën e Vitit të Ri.
Shumë prej nesh besojnë në bestytni të trashëguara ose të dëgjuara. Disa veshin rroba të kuqe gjatë ndërrimit të viteve, e të tjerë gatuajnë pjatat e preferuara dhe bëjnë rituale të ndryshme që viti t’ju ecë mbarë.
Për shembull thuhet se në Vitin e Ri nuk duhet të hyjmë me borxhe, sepse borxhi do t’ju ndjekë gjatë gjithë vitit.
Për fillimin e Vitit të Ri së pari duhet përgëzuar personi i gjinisë së kundërt, për të pasur fat në dashuri.
Në Venezuelë ose Bolivi, njerëzit për të pasur sa më shumë fat hanë ekzaktësisht 12 kokrra rrushi në mesnatë.
Për ata që 2019-ta do t’i gjejë duke udhëtuar botën ja një truk fatsjellës që mund të bëni: Merrni valixhen dhe bëni disa xhiro me të rreth shtëpisë, kjo do iu rrisë mundësitë që të shikoni vënde të reja gjatë vitit të ri.
Danezët në prag të Vitit të Ri thyejnë enë jashtë derës së hyrjes. Enët simbolizojnë miqtë dhe sa më shumë enë të thyera, do të ketë më shumë miq në jetë. Prandaj, danezët gjatë gjithë vitit mbledhin enë të vjetra për këtë rast.
Mos qani, mos u mërzisni
Të dyja këto gjendje do t’iu ndjekin në vazhdimësi gjatë vitit, nëse iu shoqërojnë gjatë natës së ndërrimit të viteve.
Bëni zhurmë
Pse mendoni se hidhen fishekzjarre për mbrëmjen e Vitit të Ri? Epo arsyeja është më tepër se argëtimi. Mban larg shpirtrat e këqij gjatë asaj nate dhe të mirat do të ndjekin gjatë vitit pasardhës.
Mbajini paratë poshtë tapetit
Nëse dëshironi të keni më shumë para vitin që vjen, ndiqni të njëjtën taktikë që populli romun ndjek. Ata besojnë se nëse i vendosni paratë poshtë tapetit kur ora shkon 12 Viti i Ri do t’ju sjellë më shumë të ardhura financiare. Për të pasur akoma më shumë fat ju këshillojmë të vishni të brendshme të kuqe ose të thyeni gotat natën e vitit të ri.
