Virusi që po mban të ngrirë gjithë botën, Covid-19, vijon të përhapet me shpejtësi e të marrë shumë jetë njerëzish, teksa raportohet për shifra të frikshme.
Deri më tani ka shkaktuar 1 mijë e 669 viktima, ndërsa në gjithë botën janë konfirmuar të paktën 69 mijë e 256 të infektuar, ku vetëm në 24 orët e fundit autoritetet kineze shëndetësore kanë raportuar 68 mijë e 500 të prekur, rreth 2 mijë e 9 persona më tepër krahasuar me një ditë më parë.
Në ditët e fundit është raportuar vdekja e parë në Francë, ku një turist 80-vjeçar kinez ndërroi jetë pasi ishte prekur nga coronaviursi dhe kishte marrë trajtim që nga 25 janari, por pa rezultat.
Në vendin tonë deri më tani nuk ka asnjë të diagnostikuar, ndërsa pak ditë më parë ministrja e Shëndetësisë, Ogerta Manastirliu u shpreh se janë marrë masa të plota dhe theksoi se janë gati dhomat e izolimit nëse do kemi raste të të prekurve nga vurisi vdekjeprurës në Shqipëri.
Kujtojmë se Coronavirusi lindi para disa muajve në provincën kineze të Wuhanit dhe mendohet se shkak për virusin është bërë një treg ku tregtohet mish i kafshëve të ndryshme, si: gjarpër, akrep, etj.
