2 ditë pasi OFL i dërgoi Dashamir Gjokës njoftimin për plotësimin e formularit të vetëdeklarimit të pasurisë, policia ka ndaluar biznesmenin ditën e sotme në Fushë-Prezë, teksa udhëtonte më një fuoristradë të blinduar.
Ai ishte bashkë me aktoren dhe modelen Nertila Kapaj, por nuk bëhet ende e ditur lidhja mes tyre.
Ata janë shoqëruar në komisariat për disa orë e më pas janë lënë të lirë.
Ndonëse Gjoka shqyhet për një pasuri të majme, nuk dihet nëse është kjo arsyeja e arrestimit të tij pasi policia nuk ka dhënë detaje.
Sipas njoftimit të policisë së dy ditëve më parë, Gjoka ka qenë i ndaluar në Itali për veprën penale “Trafik i qenieve njerëzore”.
Po ashtu, në vitin 2017 ai i ka shpëtuar një atentati në afërsi të komunës Xhafzotaj, teksa ishte në makinë bashkë me të bijën, dhe arritën të shpëtonin pasi makina ishte e blinduar.
Në të njëjtin vit ai u bë pjesë e hetimit në kuadër të ligjit Anti-mafia.
Gjykata e Shkallës së Parë për Krime të Rënda vendosi aso kohe konfiskimin e disa pasurive të paluajtshme të biznesmenit.
Pasuria e Dashamir Gjokës:
Pasuria me sipërfaqe 6949 m² truall dhe 2012.17 m² ndërtesë, kompleks shërbimesh “Gjoka”, ndodhur në Durrës;
Pasuria me sipërfaqe 4639 m² arë, ndodhur në Durrës;
Pasuria me sipërfaqe 1247 m² truall dhe 230 m² + 710 m² ndërtesë, ndodhur në Durrës;
Pasuria me sipërfaqe 928 m² truall dhe 229 m² ndërtesë dy kate, ndodhur në Durrës;
Shoqëria “Gjoka” sh.p.k., së bashku me të gjitha asetet e saj.
