6 shqiptarë janë dënuar në Angli ditën e sotme.
Bëhet fjalë për: Xhuljano Bircaj, 28 vjeç; Glen Rami, 28 vjeç; Ervin Bajraktari, 31 vjeç; Besmir Bajraktari, 32 vjeç; Enea Sela, 24 vjeç; dhe Andi Sela, 31 vjeç.
Ata ishin arrestuar për kultivim të lëndëve narkotike.
Prokurori i çështjes e cilësoi përfshirjen e tyre në kultivimin e canabissit me aktivitetin e një fabrike industriale.
Të gjashtë ishin emigrantë të jashtëligjshëm në Britani.
Shqiptarët kanë pranuar akuzat, për të cilat janë dënuar me 5 vite e 5 muaj burg.
Të rinjtë e kishin shndërruar banesën e tyre në një serë për rritjen e lëndë narkotike.
Gjatë arrestimit policia angleze sekuestroi më shumë se 500 rrënjë kanabis me vlerë mbi 500.000 stërlina.
Bëhet me dije se ata ishin përfshirë në një aktivitet të tillë pasi donin të siguronin të ardhura për të shlyer borxhin, me të cilin kishin shkuar në Britani.
Bëhet me dije se vetëm në vitin 2019 gjykatat angleze kanë dënuar 54 shtetas shqiptarë si të përfshirë në kultivimin e kanabisit.
