Një aksident automobilistik është regjistruar mëngjesin e sotmë në afërsi të rrethrrotullimit të Poshnjes në Urën Vajgurore.
Autobusi me pasagjerë i linjës Skrapar-Tiranë, ka dalë nga rruga dhe ka përfunduar në kanal.
Mësohet se shoferi ka bërë një frenim të detyruar, pasi i ka dal përpara një fëmijë.
Për fat të mirë, nuk ka pasur asnjë të lënduar nga aksidenti.
Pasagjerët janë larguar me mjete të tjera drejt destinacioneve për ku ishin nisur, ndërsa në vendngjarje ndodhet vetëm drejtuesi i autobusit.
Ky i fundit po pyetet nga policia, për të sqaruar rrethanat e ngjarjes.
Ekspertët rrugorë bëjnë me dije se aksidenti ka ndodhur për shkak të lagështirës dhe frenimit të detyruar të autobusit.
