“Kush është ky bandit, nga se ka frikë?”, Fevziu bën publik një rast që duhet hetuar nga “Anti-KÇK”

Më 31 janar u miratua ligji për paketën “Anti-Kap Çfarë të Kapësh”. (Lexo këtu)

Kjo paketë hasi në kundërshtime të shumta, por megjithatë duket se denoncimet e para kanë filluar vetëm 4 ditë pas miratimit.

Fillimisht, ishte Partia Demokratike, e cila tha se nëse “Anti-KÇK” do të fillojë nga puna, le ta bëjë duke nisur nga Edmond Bego.(Lexo këtu)

Së fundmi, gazetari Blendi Fevziu ka dhënë një shembull të një rasti për t’u hetuar nga efektivët e OFJ-së(Operacioni Forca e Ligjit).

Gjatë emisonit të tij, Fevziu ka folur për një person, i cili jeton në periferi të Tiranës dhe ka montuar një sistem alarmi që ka kushtuar gjysmë milioni euro.

“E di që një prej vilave qëe ndodhet në periferi të Tiranës ka 500 e ca mijë euro sistem alarmi. Kush është ky bandit që harxhon gjysmë milioni euro për t’u ruajtur? Nga kush trembet nga qentë apo nga zogjtë?,”- tha Blendi.

Kujtojmë se sot ka nisur punën në terren operacioni “Forca e Ligjit”.

Oficerët e OFL-së kanë zbarkuar mesditën e sotme në Shijak, në restortin “Golden”, ku u mbajt peng 49-vjeçari Jan Prenga.( Lexo këtu)