Autoritetet italiane kanë publikuar foton e shqiptarit, i cili u përlesh me armë zjarri të martën me karabinierët në zonën e Colonellas.
Fotoja e shqiptarit të rrezikshëm, i cili banon në Grottammare, është shpërndarë në rrjetet sociale, në mënyrë që kushdo që e sheh, të njoftojë policinë.
Në ndryshim nga foto e publikuar, shqiptari nuk e ka më mjekrën.
Kërkimet ndërkohë vazhdojnë nga toka dhe nga ajri, ku po përdoret edhe një helikopter.
Gjithashtu hetuesit po përpiqen ta lokalizojnë, nëpërmjet gjurmimit të qelizave telefonike.
Nuk përjashtohet mundësia, që shqiptari të jetë arratisur me makinën “Mercedes E Class”, të cilin ia grabiti nën kërcënimin e armës, pronarit të një agroturizmi në Appignao.
Shqiptari u arratis, pasi forcat e policisë, arrestuan bashkëpunëtoren e dyshuar të tij, një braziliane 40 vjeçe.
Kjo e fundit po vëzhgonte një sallë lojërash, për të kryer grabitjen e radhës.
Ka dyshimet të forta, se shqiptari dhe brazilania janë përgjegjës për një sërë grabitjesh të lojërave të fatit në Val Vibrata.
