Organizatat ndërkombëtare të mediave kanë reaguar për projektligjet e hartuara nga qeveria që parashikojnë krijimin e një regjistri të medias online dhe vendosjen e përmbajtjes së tyre nën mbikëqyrjen e Autoritetit të Medias Audiovizive, gjithashtu edhe një Këshill ankesash.
Sipas New York Times, me një letër drejtuar kryeministrit Rama dhe Ministres së Drejtësisë Etilda Gjonaj, katër organizata ndërkombëtare të medias, Federate Europiane e Gazetarëve, Qendra Europiane për Liri të Medias dhe Shtypit, Reporterët Pa Kufij dhe Pen International, i kanë kërkuar Ramës që të tërhiqet nga ky vendim dhe kërkojnë ndihmë ndërkombëtare për hartim të ligjeve të reja.
Ata thanë se në vendet demokratike “mediat online janë të vetë-rregulluara”.
Gjithashtu New York Times shkruan se një shqetësim i shprehur në tetor rreth një sistemi të ri për faqet e internetit të medias në Shqipëri, erdhi nga Organizata për Siguri dhe Bashkëpunim në Europë.
Në përfundim New York Times kujton se Shqipëria pret që të nis negociatat e plota për t’u antarësuar në BE vitin që vjen.
