Transparency International ka publikuar indeksin mbi perceptimin e korrupsionit për vitin 2019.
Nga 180 vende, Shqipëria renditet e 106-ta, duke humbur 7 vende nga një vit më parë.
Së bashku me Shqipërinë, renditen edhe Maqedonia e Veriut, Algjeria, Egjipti dhe Brazili.
Indeksi rendit 180 vende të botës, bazuar në nivelin e perceptuar të korrupsionit në sektorin publik.
Shkalla e matjes është nga 0-100 pikë, ku 0 është një vend shumë i korruptuar, ndërsa 100-ta shumë i pastër.
Kosova ndërkohë renditet në vendin e 101 me 36 pikë, duke humbur 8 vende.
Dy vendet që renditen më lartë në rajon janë Mali i Zi dhe Kroacia, respektivisht në vendin 66 dhe 63.
Serbia ndërkohë ka rënë nga vendi i 87 në pozicionin 91.
Vendet më ulët në renditje janë Somalia, Sudani i Jugut dhe Siria, ndërsa më pas ndjekin Jemeni, Venezuela, Sudani, Guinea Ekuatoriale dhe Afganistani.
