Itali– Një megaoperacion është finalizuar ditën e sotme me shpërbërjen e një grupi kriminal të trafikut ndërkombëtar të drogës.
Ky megaoperacion u krye në bashkëpunim me policinë shqiptare, pasi në krye të bandës ishte një shqiptar, ndërkohë pjesë e rrjetit ishin edhe disa shqiptarë të tjerë.
Koka e bandës ishte shkodrani 50-vjeçar me iniciale L.D.
Organizata italio-shqiptare operonte në Puglia, Molise, Abruzzo, Campania dhe gjithashtu në Holandë, Angli, Gjermani dhe Shqipëri.
Së fundmi, janë zbardhur edhe emrat e shqiptarëve të tjerë të arrestuar.
Bëhet fjalë për Denis Bimi, 29 vjeç dhe Besmir Sylija, 25 vjeç.
Ata janë të dy emra të njohur për policinë.
Të rinjtë shqiptarë janë akuzuar për pjesëmarrje në organizatë kriminale, me qëllim shitjen e lëndës narkotike.
Policia italiane dhe shqiptare kishin 3 vite që kishin nisur hetimet për shpërbërjen e bandës.
