Që prej janarit të vitit 2019 pikat e basteve kanë për t’u mbyllur dhe kjo gjë ka filluar të vihet re tashmë.
Të dhënat që na vijnë nga Qendra Kombtare e Biznesit më datën 23 Dhjetor në të gjithë vendin janë mbyllur 5220 pika bastesh sportive ndërsa 331 pritet të mbyllen.
Mirëpo problemi nuk qëndron më tek pikat që do të mbyllen, por tek punonjësit, të cilët janë ata që do ta ndiejnë më shumë, pasi do të ngelen pa punë. Në total të punësuar në këtë sektor numërohen plotë 7000 persona. Njëri prej tyre, Rolandi ka folur për Ballkanvveb dhe ka treguar pasigurinë që është duke ndier për të ardhmen, duke mos ditur farë të bëjë dhe zgjidhjen që do të gjejë.
“Unë jam shum i shqetësuar.Unë që po të flas jam një ish emigrant prej 10 vitesh në itali dhe kthimi im në Shqipëri ishte për këtë fakt duke qënë se gjeta një punë që për familjen time quhej komode mendova të merrja këtë iniciativ për tu kthyer në Shqipëri.Aktualisht jam i papunë sepse vetvetiu edhe disa ditë na ka ngelur për tu ndarë dhe mendohet që do festohet viti i ri dhe të nesërmen je i papunë.Familja juaj prej sa personash përbëhet? Familje ime përbëhet prej nënës time bashkëshortes dhe një djalë 11 vjec i cili është i shqetësuar për faktin sesi do shkojë pjesa e jonë.”
Vendimi për mbylljen e pikave të basteve ka qenë një ndër më të rëndësishmit që qeveria Rama ka ndërmarrë, mirëpo duhet të mërren parasysh edhe të dëmtuarit nga kjo situatë, pra ata që mbeten të papunë.
Ndaj edhe është marrë vendimi për rikualifikimin e këtyre të papunëve në mënyrë që ata të integrohen përsëri.
Një premtim mjaft ambicioz në kushtet kur qeveria jo vetëm po largon nga buxheti disa milionë euro taksa që u merr këtyre bizneseve, por edhe po merr në konsideratë efektet e veprimit të saj.