Siguria ushqimore në Shqipëri është në nivele shumë të ulëta.
Një emision investigativ pak muaj më parë, tregoi të gjithë manipulimet që bëhen tek ushqimet, përfshi këtu frutat, bulmetin apo edhe mishin.
Sikur të mos mjaftonte kjo, shumica e qyteteve kanë mangësi pajisjesh nëpër laboratore ose i kanë tepër të vjetra, ose në rastin më të keq nuk kanë fare laborator.
Së fundmi, burime të sigurta për GazetaReforma, kanë zbuluar se në portin e Durrësit rreth 4 muaj më parë është bllokuar një kontenier me mish të infektuar i cili i përkiste kompanisë “EHW”.
GazetaReforma, për të mësuar më shumë rreth kësaj historie, ka kontaktuar AKU dhe është në pritje të një përgjigje zyrtare.
Ndërkohë “gazetaora”, ka publikuar 2 muaj më parë, një skandal të “EHW”, të cilës i janë bllokuar në portin e Durrësit, 25 ton mish i infektuar me salmonelë dhe e-coli i ardhur nga Qipro.
Mishi u bllokua, pasi analizave të AKU pranë ISUV.
Skandali është munduar të sheshohet, derisa është hedhur në treg sasia e mishit të infektuar.
Në raportin e siguruar nga “gazetaora”, edhe dy muaj pasi AKU-ja e bllokoi, mishi vijoi të qëndronte në kushte frigoriferike.
Në lidhje me këtë skandal nuk ka reaguar as Ministria e Bujqësisë dhe as AKU.
Kësisoj EHW nuk është gjobitur dhe rreziku që mishi të jetë futur në treg është shumë i madh.
