Prokuroria e Posaçme Anti-korrupsion, ka pushuar çështjen , ndaj tre gjyqtarëve, që shpëtuan Dritan Dajtin nga burgimi i përjetshëm.
Sipas “Balkanweb”, SPAK nuk gjeti element të veprës penale, për të vërtetuar akuzat për korrupsion.
Dritan Dajti vrau 4 policëve në 2009-ën në Durrës, por arriti t’i shpëtonte burgimit të përjetshëm.
Ishte pikërisht trupa gjykuese e përbërë nga Skënder Damini, Petrit Aliaj dhe Aleks Nikolli, të cilët pranuan gjykimin e shkurtuar, duke vendosur vetëm 25 vite burg për Dajtin.
Gjykata e Shkallës së Parë për Krime të Rënda, e kishte dënuar me burgim të përjetshëm Dajtin, për vrasjen e Fatos Xhanit, Sajmir Duçkollarit, Altin Dizdarit dhe Kastriot Feskajt.
Gjithashtu gjatë të shtënave, u plagosën Ledii Mara, Fatjon Shamku dhe vetë Dajti.
Pas shtyrjes së disa seancave, Dajti arriti që t’i shpëtonte burgut të përjetshëm në Apel.
Vendimi asokohe ngjalli debat të fortë publik, teksa reagoi edhe vetëm ministrja e Drejtësisë, Etilda Gjonaj, e cila kërkoi hetim për gjyqtarët.
Kryeministri Edi Rama e cilësoi akt kriminal vendimin e Apelit dhe premtoi se do të zhbëhet.
Organi i akuzës bëri rekus në Gjykatën e Lartë, ndërsa gjyqtarëve iu kontrollua banesa.
