Kryeministri kroat, Andrej Plenkoviç, ka zhvilluar një takim me homologun e tij italian, Giuseppe Conte.
Gjatë këtij takimi, Plenkoviç dha një dritë jeshile mbi integrimin e Shqipërisë në BE.
Ai tha se në muajin maj, gjatë zhvillimit të samiti të Zagrebit do këmbënguli mbi integrimin e Shqipërisë e Maqedonisë së Veriut në Bashkimin Europian.
“Në samitin e Zagrebit, në muajin maj, kemi ambicien dhe qëllimin e qartë për fillimin e negociatave me Shqipërinë dhe Maqedonisë së Veriut.
Ne do të këmbëngulim për këtë. Ne shkojmë në mënyrë ambicioze në samitin e Zagrebit, me qëllimin e qartë për fillimin e negociatave me Shqipërinë dhe MV”,-theksoi Plenkoviç.
Ndër të tjera, kryeministri kroat shtoi se nga samiti BE-Ballkani Perëndimor në Zagreb do të japë dy porosi të rëndësishme.
1.Në të gjitha samitet takimet të bëhen në mënyrë sistematike
2.Të bëhet gjithçka që është në metodologjinë për aderim në Union, pasi kjo shërben si nxitje më e madhe për vendet kandidate.
Kroacia ka qenë gjithnjë mbështetëse e vendit tonë, sidomos për integrimin në Bashkimin Europian.
Kujtojmë se në samitin e Zagrebit do diskutohet për çështjen e integrimit në BE të Shqipërisë e Maqedonisë së Veriut.
Samiti do mbahet në maj dhe pritet që të gjitha vendet të unifikojnë qëndrimin e tyre.
