Dhunoi dhe kërcënoi bashkëshorten me thikë. Arrestohet 40 vjeçari shqiptar në Itali

Një 40 vjeçar shqiptar është arrestuar në Bari të Italisë.

Shpëtim Shehi ka ushtruar dhunë ndaj bashkëshortes së tij.

Fillimisht, ai e ka dhunuar dhe i ka shkaktuar disa fraktura në fytyrë.

Pas ngjarjes, Shehi ka shkuar në komisariatin e qytetit për të firmosur disa dokumente mbi një detyrim të mëparshëm.

Kur u kthye dhe ka parë ambulancën, që e kishte njoftuar gruaja e tij pas dëmtimeve të marra, Shehi është irrituar.

Ai ka marrë një thikë që ndodhej në kuzhinë dhe ka kërcënuar bashkëshorten e tij.

Dëshmitarët kanë njoftuar karabinierët, të cilët kanë arrestuar 40 vjeçarin.

Ai tashmë ndodhet në burg dhe mbi të rëndon akuza për “veprime persekutuese”.