Pas tërmetit të 26 nëntorit shqiptarë e të huaj u solidarizuan për viktimat.
Janë dhuruar donacione të shumta si individualisht, ashtu edhe në shoqata të ndryshme.
Kështu, edhe qeveria u dha mundësi shqiptarëve të jepnin kontributin e tyre nëpërmjet dritares e-Albania.
Një muaj pas tërmetit, mësohet se në këtë portal janë grumbulluar 65,131,711 lekë .
Përveç njerëzve të thjeshtë, në këtë donacion janë edhe një pjesë e Dhomave të Noterëve së rajonit: Dhomat e Noterëve të Kosovës dhe Shqipërisë kanë dhuruar nga 10 mijë euro secila, Dhoma e Noterëve të Malit të Zi 3 mijë euro dhe ajo kroate 4 mijë euro.
Këto donacione shkojnë drejt llogarisë së Ministrisë së Financave dhe Ekonomisë, me qëllim që kontributi i secilit donator të përdoret me efektivitet nga Emergjencat Civile, në ndihmë të të dëmtuarve nga tërmeti.
Për mbledhjen e fondeve do të mbahet një Konferencë e Jahtëzakonshme në Tiranë, në fund të janarit .
Pjesëmarrëse do të jenë edhe vendet e Bashkimit Europian, me qëllim arritjen e një shume sa më të madhe për rindërtimin e banesave të dëmtuara.
Ajo që bie në sy është numri i vogël i dhuruesve në këtë hapësirë krahasuar me nismat e tjera: 6,156 donatorë.
Nisma “Go found me” e Elvis Nasit ka mbledhur mbi 5 milionë euro, pa përfshirë donacionet bankare.
Në të kanë marrë pjesë mbi 10 mijë persona.
Mbi 1.5 milion dollarë janë mbledhur nga organizata “Rrënjët Shqiptare”, iniciuar nga gazetari Marin Mema dhe drejtuesi i organizate, Marko Kepi.
Po ashtu, “Fundjavë Ndryshe” mbi 1.5 milion dollarë dhe “Shqiptarët për Shqiptarët” me 660 mijë dollarë.
