Në Durrës ka nisur një valë e gjerë arrestimesh, për të çuar para drejtësisë, përgjegjësit njerëzorë të pasojave të tërmetit të 26 nëntorit.
Sipas “Report Tv”, deri më tani janë shoqëruar rreth 30 zyrtarë, ndërtues, inxhinerë, ndërsa në pranga kanë përfunduar 16 persona.
Së fundmi është arrestuar edhe pronari i “Bar Barons”, Artur Terziu, i cili ndodhet në lagjen Nr.6 të qytetit.
Shumë banorë të pallatit, akuzuan pronarin e lokalit, se ka ndryshuar strukturën mbajtëse të pallatit, për të krijuar më shumë hapësirë.
Sipas banorëve ky ishte shkaku i shembjes së pallatit.
Kujtojmë këtu se pallati në fjalë u fundos dy kate dhe nën rrënojat e tij humbën jetën dy persona.
Mësohet se deri më tani janë arrestuar pronarët e hotel “Vila Palma”, Dëshira dhe Arben Qato, drejtori i Kavalishencës Ahmet Doda, nëndrejtori Kujtim Hasa, nëndrejtori i Kadastrës, Arben Isaku, Aldo Dakovelli shef sektori në Kadastrën e Durrësit, Artemis Malko, punonjës terreni.
Gjithashtu vijon të jetë në kërkim, ish-drejtori i ALUIZNIT, Flamur Gjuzi
Bazuar në informacionet e fundit, Artur Terziu është në kërkim.
